Sa' li paab'al Katolika li xjultikankil li rahilal kutan, natiklaak rik'in li rokik cha ut naraqe'k rik'in li santil xamaan, na'uxmank xyeb'al re ka'k'aal kutan. Chi ru li ka'k'aal kutan a'in, ink'a' jwal na'uxmank xtzakankil li tib' a' chik li keenq' ut k'ib' natzakamank chi us, jo'ka'an aj wi' nawank xjultikankil li waqib' chi viernes; nawank li xb'eeresinkil xjalam u li Qaawa' ut natz'ilmank rix li junjuunq raqal chi rahilal kixk'ul li Qaawa' Jesús junxil kutan.
Wankeb' poyanam jo' sa' li k'aleb'aal malaj sa' tenamit li nake'xq'artesi li roq li ruq'm chi xjolominkil, xkawresinkil, li b'eeresink malaj procesión, nab'al li k'anjel nakalaje'xb'aanu re naq te'xtaw li nake'xjayali. Naq nawulak li xnimqal ru kutan re li Santil Xamaan, k'iila poyanam nake'wakliik chaq chi rilb'al xjalam u li Qaawa' nab'eeresimank, wankeb' nake'xchap li na'leb' a'in jo' ajsib'aal u, wankeb' aj wi' jo' hoonal re k'ayink ut loq'ok; ab'aan li xyaalal a'an naq li xjultikankil li Santil Xamaan nab'al poyanam natz'aqonk chi sa'.
Desde el miercoles de ceniza, el pueblo católico de Alta Verapaz tanto en el área urbana como rural, se dedica a la religiosidad poniendo de manifiesto la fe en Cristo, esto con la celebración de los viernes de que consta la cuaresma con precesiones, momentos de reflexión, retiros espirituales; hasta culminar con la Semana Santa. La conmemoración se realiza de diferentes maneras, de acuerdo al espacio social que cada pueblo ocupa pero todos tiene como unica finalidad el fortalecer la fe en la religión. Se muestran fotografías de algunos cortejos procesionales llevados a cabo en los municipios de Cobán y San Juan Chamelco, hay que resaltar que aparecen algunas fotografías de una procesión en el área rural.
No hay comentarios:
Publicar un comentario