KOK' XUL XWANK RAJSINKILEB' RU / CONCURSO DE DISFRACES DE ANIMALES, SE REALIZA EN COBAN

Sa' li domingo waqxaqib' xkak'aal xb'e li po marzo sa' li na'ajej wank chi rix li nimla rochochil ruuchil li awab'ejilal re li teepal Alta Verapaz, kiwank jun li ajsink u b'ar wi' xe'tz'aqonk k'iila paay chi xul nake'wank sa' ochoch. Li xch'ina'usal a'an naq laj eechal xul xk'e jalanq jalanq chi b'aatal chi rix li x-xul re naq ch'ina'usaq rilb'al, naab'al li poyanam xe'wulak chi tz'aqonk ut jo'kan aj wi' li kok' xul. sa' xraqik xwank xk'eeb'al xmaatan li xb'een, xkab' ut rox na'aj re li junjunq' paay chi xul; mes, tz'i', a'k'ach, kaxlan, uwk.
El domingo 28 de marzo en el parque infantil de la ciudad de Cobán, se llevó a cabo un concurso de disfraces de animales domésticos; la actividad fue organizada por agroveterinaria Los Pollitos. Participaron muchas personas como espectadores, y de igual forma muchos participantes con sus respectivas mascotas, al finalizar el evento se premiaron los primeros tres lugares de cada categoría: perros, conejos, gallos, patos, etc.

POYANAM AJ NAJTIL TENAMIT XE'RULA'ANI ALTA VERAPAZ / DELEGACION JAPONESA VISITA ALTA VERAPAZ

Viernes waqib' xka'k'aal xb'e li po marzo, jun ch'uuteb' li poyanam xe'chalk chaq sa' li tenamit Japón xole'rula'ani li qateepal Alta Verapaz, li rajomeb' a'an xnawb'al b'ayaq chan ru li xwanjikeb' li tenamit aj q'eqchi' chi ruheb' li xyu'am. Xe'rula'ani Chisec ut Kob'an, arin Kob'an; xe'wulak sa' rochoch li Rab'in Kob'an María del Carmen Batz Choc, aran xk'utmank chi ruheb' li ula' chan ru nayib'amank li yu, li kakaw, xk'eeb'al li xaqchaq sa' li ochoch ut k'a' ru xyaalal li junjuunq, jo'kan aj wi' xwank xk'utb'esinkil li najetril a'q roksihomeb' cha qli qaxe' qatoon. Jaye'q li lajeeb' honal re li q'ojyiin naq li poyanam aj najtil tenamit xe'sutq'iik aran sa' xteepaleb' aj Baja Verapaz, tento b'i' xyeeb'al naq ocheb'eninb'ileb' xb'aan jun ch'uuteb' aj k'ak'alen tenamit PNC nayemank re.
El pasado viernes 26 de marzo una delegación japonesa, estuvo de visita en Alta Verapaz, teniendo como objetivo conocer un poco más de cerca las practicas culturales del pueblo q'eqchi'; para ello visitaron los municipios de Chisec y Cobán, acá en el municipio de Cobán, visitaron a la familia de Rabin Cobán donde grabaron la preparación de la comida típica de Cobán, el tyu, la preparación del cacao, el montaje de una recepción al estilo q'eqchi', la exhibición del traje tipico y el significado de cada uno de lo indicado. Así mismo compartieron una cena con la familia de la reina, manifestaron los visitantes que el video será transmitido en el Japón luego de editarla ya que visitaron varios lugares de Guatemala. Cabe resaltar que una unidad de la Policía Nacional Civil escoltó a los visitantes en todo su recorrido por el territorio Nacional, según manifestaron los agentes, esto como parte de la seguridad que se le brinda al turista.

KOK'AL AJ TZOLONEL XE'XRAQ XK'ANJEL RE XB'EEN XKAB' PO / NIÑOS PARTICIPANTES EN LOS CENTROS DE ATENCION INTEGRAL -CADIS- CIERRAN PRIMER BIMESTRE

Sa' li waqib' xkak'aal xb'e li po marzo, chi xjunil li tzoleb'aal wank Alta Verapaz sa' xteepal li molam re rixaqil li awab'ejilal, xwank xraqb'al sa' sahil ch'oolejil li xb'een xkab' po li k'anjel xe'xb'aanu chi ru li chihab' a'in. Sa' li k'anjel a'an, xe'tz'aqonk aj k'utunel, kok'al ut na'b'ej yuwa'b'ej, nab'al li ajsiink u xwank saheb' sa' xch'ool chi xjunil.
El pasado viernes 26 de marzo, se procedió a la clausura de actividades correspondientes al primer bimestre en todos los Centros de Atención Integral -CADI_ de Alta Verapaz. Este programa que atiende a niños de edad preescolar es parte del programa de Secretaría de Obras Sociales de la esposa del Presidente SOSEP, en la actividad participaron activamente docentes, niños y padres de familia. En las fotografías se muestra la forma de cómo el CADI de la colonia la Esperanza de Cobán, en la que trabaja como docente la reina indígena de Cobán "Rabin Cobán" llevó a cabo la celebración.

NA'B'EJ RE FAMILIA PROGRESA NAKE'K'ANJELAK SA' TZOLEB'AAL/ MADRES DEL PROGRAMA MI FAMILIA PROGRESA REALIZAN TRABAJOS DE LIMPIEZA

Sa' eb' li k'aleb'aal re li tenamit Kob'an, li na'b'ej nake'xk'ul xteenq' rik'in li awab'ejilal naxk'aba'in Mi Familia Progresa, yokeb' xb'aanunkil b'ayaq li xk'anjel choq' reheb' li tzoleb'aal; li k'anjel nake'xb'aanu a'an xsaab'esinkil rix ut xsa' li tzoleb'aal junjuunq jo'kan aj wi' nake'okenk chi xmolb'al li mul wank sa' eb' ruq' li b'e wank chi xk'atq li tzoleb'aal. Nake'xjultika b'i' naq chi jo'ka'in nake'xk'ajk'amu b'ayaq li tenq' tumin nake'xk'ul ri'kin li awab'ejilal.
Madres de familia que participan en el programa Mi Familia Progresa de las aldeas del municipio de Cobán, realizan trabajos de limpieza en los establecimientos de sus respectivas comunidades, así mismo limpian las principales calles del lugar. Según manifestaron, esto es la manera como ellas retribuyen un poco el beneficio económico que les genera el programa en mención, y por qué en establecimientos educativos? porque por los niños que estudian en las escuelas es que reciben la ayuda económica indicaron.

NAJETRIL NA'LEB' NAK'EEMANK XWANKIL SA' TZOLEB'AAL/ PROMUEVEN PRACTICAS CULTURALES EN ESTABLECIMIENTO EDUCATIVO

Sa' li wib', oxib' ut kahib' xkak'aal xb'e li po marzo sa li tzoleb'aal re xkab' tasal li tzolok Las Casas xk'ab'a', jun ch'uuteb' li tzolom xe'xk'utb'esi wib' oxib' raqal li qanajteril na'leb' jo' aj q'eqchi'. Li rajom li k'anjel a'in, a'an xk'utb'al chi ruheb' li tzolom naq aajel ru xk'eeb'al xloq'al chi xjunil li xe'xkanab' chaq qe li qamama' qixa'an chan jun laj k'utunel re li tzoleb'aal a'an. Li tzolom xe'xb'aanu li k'tub'esink chi ch'uut, wank xe'xk'utb'esi li paab'ank wan chik li muquk na'uxmank chaq junxil.
En las fechas del 22 al 24 de marzo en el Instituto Nacional de Educación Básica del barrio Las Casas zona 8 de Cobán, los alumnos de tercero básico como parte del curso de danza, presentaron algunas estampas folkloricas como el pabank, el entierro y otros. Según uno de los docentes, la actividad tiene una valoración acumulativa pero a la ves es una forma de inculcar en los estudiantes el fortalecimiento de la cultura q'eqchi'; como invitada de honor participó en la actividad en mención la señorita María del Carmen Batz Choc Rabin Coban 2009-2010.

PAAB'ANK SA' XK'AB'A' SAN JOSE/ SE REALIZA PAABANK EN HONOR A SAN JOSE

Sa' li k'aleb'aal Sa'maq' re li tenamit Kob'an, sa' li kutan domingo junxkak'aal xb'e li po marzo uxmank xnimq'ehinkil jun li paab'ank sa' xk'ab'a' Qawa' San José. Xwank chi us li sahil ch'oolejil, naab'aleb' li poyanam xe'tz'aqonk wankeb' sa' xyanq li nake'yeemank re pasaad; sa' li ka'njel a'in xwank li je'k'ok kakaw, b'oj ut wa. Xe'tz'aqonk sa' li k'anjel a'in li ch'ina'usil tiq'ix naxk'utb'esi li tenamit Kob'a'n Rab'in Kob'an María del Carmen Batz Choc, jo'kan aj wi' li ch'ina'ixqa'al Ri Mam Ajaw, us ta kaw li hab' ab'aan xe'xk'e xch'ool chi okenk sa' li k'anjel x'uxmank re xk'eeb'al xloq'al li qanajteril na'leb' jo' aj q'eqchi'.
El pasado domingo 21 de marzo en la Cooperativa Samac de Cobán, se celebró un pabank en honor al patrono del lugar San José; a pesar de las condiciones del clima muchas personas se hicieron presentes en la actividad. En este acto seremonial tomaron participación la señorita María del Carmen Batz Choc Rabin Cobán y la nieta del rey, se repartió la bebida tradicional el kakaw y el boj que por cierto según los expertos en esta aldea es donde se prepara el mejor boj de la región. La actividad fue amenizada por un grupo musical de marimba orquesta lo que motivó que los presentes bailaran al ritmo de la marimba.

AJ K'UTUNEL NAKE'XKAWRES RIB' CHI TZOLOK SA' KA'PAAY CHI AATINOB'AAL / DOCENTES PARTICIPAN EN DIPLOMADO DE EDUCACION BILINGUE

Sa' li b'eleelaju kutan xb'e li po marzo, jun ch'uut aj k'utunel nake'k'anjelak sa' li junjuunq chi k'aleb'aal wank sa' xsutam li tenamit Kob'an, región norte nayemank sa' najtil aatinob'aal, xe'tz'aqonk sa' li xkab' tzolok re li chihab' a'in chi rix xkawresinkil li k'utuk sa' ka'paay chi aatinob'aal sa' li tzoleb'aal b'ar wi' nake'k'anjelak. Sa' li k'anjel a'in xe'tz'aqonk chi ula'anink qana' Rita de León jo' ruuchil li molam GTZ li yoo xk'eeb'al li xteenq' re naq wanq li tzolok a'in, xwank aj wi' qawa' Héctor Poou Morales najolomink re li xmolamil li aatinob'aal mayab' sa' qateepal, xe'tz'aqon naab'al chik li komon choq' ruuchil li na'ilok chi rix li tzolok sa' xteepal Verapaz. Qana' Rita de León xjultika: sa sa' inch'ool chi tz'aqonk sa' li k'anjel a'in, xb'aanaq jo' molam aj tenq'anel, tento sa' qab'een rilb'al chan ru yoo chi uxmank li kawresink. Qawa' Hector xjultika: li qak'anjel jo' molam a'an xk'eeb'al xwankil li qaatinob'aal q'eqchi', ut nasaho' sa' linch'ool rilb'aleb' laj k'utunel naq nake'xk'e xch'ool chi tz'aqonk.
El pasado 19 de marzo en las intalaciones del Centro Universitario del Norte se llevó a cabo el segundo taller sobre Fortalecimiento de la Educación Bilingue en el Aula dirigido a docentes del distrito escolar 16-01-03, cabe reslatar que este proceso viene desarrollándose desde el año pasado. En el taller participaron como observadores la señora Rita de León representante del Programa de Atención a la calidad Educativa PACE/GTZ, al ser entrevistada manifestó: estoy muy contenta de ver la participación de los docentes, pues como organización cooperante del proceso, es nuestra obligación supervisar el desarrollo del proyecto. Héctor Poou Morales en su calidad de Presidente de la comunidad Linguistica Q'eqchi' expresó: como organización es nuestra responsabilidad velar por el desarrollo del idioma q'eqchi', y la participación de los docentes en esta actividad, es una muestra de que el idioma q'eqchi' cada día gana mucho espacio.

TZOLEB'AAL RE XKAB' TASAL LI TZOLOK, XNIMQ'EHI XKUTANKIL /CELEBRAN ANIVERSARIO EN TELESECUNDARIA

Chi ru li kutan ewer wuqlaju xb'e li po marzo li k'aleb'aal K'amk'al xnimq'ehi wib' chihab' xtiklajik li tzolok sa' li k'aleb'aal choq' reheb' saaj winq saaj ixq. Us ta kaw chi us li hab' a'b'aan li tzolom xe'xyal xq'e chi xb'aanunkil chi chaab'il li k'anjel k'uub'anb'il chaq rub'elaj, kiwank li tzolb'eek, k'utb'esink, b'ichank, xajok ut wank chik xkomon. Sa' li k'anjel a'in ke'tz'aqonk xkihalil li na'b'ej yuwab'ej re li k'aleb'aal, jo'kan aj wi' ketz'aqonk li tzolom, aj k'utunel ut junjuunq yuwa'b'ej re li tzoleb'aal Cerro Lindo; qawa' Leonel Chacón xb'eenilal re li poopol kab'l Kob'an xtz'aqonk aj wi' sa' li nimq'e, sa' li raatin xjultika naq chi seeb' yooq chi tiklaak xk'uub'ankil jun li ochochnaal choq' re li tzoleb'aal maawa' ka'ajwi' K'amk'al jo'kan b'aan aj wi' Cerro Lindo. Sa' xraqik li raatin xjultika reheb' li tzolom naq tento te'xk'e xch'ool chi tzolok re naq taawakliiq li k'aleb'aal. Qawa' Oscar Yaxcal aj jolominel re li tzoleb'aal xjultika; nasaho' sa' inch'ool naq li k'aleb'aal nake'okenk sa' li k'anjel a'in, nink'e reetal naq wankeb' xch'ool chi tenq'aank jo'kan naq jo' aj k'utunel tento sa' qab'een xb'aanunkil chi chaab'il li qak'anjel rik'ineb' li saajil poyanam.
Ayer 17 de marzo la aldea Camcal situada a 25 kilómetros de la cabecera departamental de Alta Verapaz, estuvo de fiesta por celebrar el segundo aniversario del Instituto Nacional de Telesecundaria que funciona en la aldea, sin importar las inclemencias del tiempo, jóvenes estudiantes, docentes y padres de familia dieron su mayor esfuerzo para que la celebración fuera todo un éxito. Entre las actividades realizadas por los estudiantes destacan: el desfile marcial recorriendo las principales arterias de la aldea, acto cívico y actos recreativos. La actividad fue bastante concurrida por los comunitarios, también se sontó con laparticipación del alumnado y personal docente del Telesecundaria de la aldea Cerro Lindo, y como invitado especial estuvo el señor Alcalde Municipal de la ciudad De Cobán el ingeniero Leonel Chacón, en su intervención motivó a los jóvenes a seguir preparandose para el futuro y así tener una vida mejor, así mismo prometió que en unas cuantas semanas iniciará la construcción de un edificio en el que funcionará el instituto ya que actualmente ocupa aulas de la primaria. Aseguró que el mismo proyecto se estará ejecuntando en la aldea Cerro Lindo donde funciona otro instituto de telesecundaria, la actividad concluyó entrada la noche con una cena.

AJ K'UTUNEL NAKE'XTUS RU XK'ANJEL /DOCENTES DE PREPRIMARIA PLANIFICAN ACTIVIDADES PARA EL CICLO 2010

Sa' li o'laju kutan xb'e li po marzo, aran sa' li tzoleb'aal re li k'aleb'aal Sa' Xok', ke'xch'utub' rib' chi xjunileb' laj k'utunel reheb' li kok'al toja' xb'eeneb' roq sa' tzoleb'aal, re xtusb'al li k'anjel te'xb'aanu chi ru li chihab' a'in. Laj k'utunel li xe'xch'utub' rib'a'an reheb' li sector a'in: Sonte', B'alb'atzuul, Sa' Kok pur, Corozal ut Nimla sa' Chal, li junjuunq chi ch'uut x-xaqab' li ruuchil re xb'eeresinkil li k'anjel chi ru li chihab' li yooko wi' chi b'ehek. Eb' laj k'utunel tento te'xch'utub' rib' jun sut sa' li po ab'aan jalanq jalanq chi k'aleb'aal te'rula'ani, sa' li po abril yoqeb' chi ch'utlaak sa' li k'aleb'aal Las Pacayas, xiikil li tzolok yoqeb' xkawresinkil re x'ak'ob'resinkil li k'anjel sa' li junjuunq chi tzoleb'aal. El pasado 15 de marzo, los docentes del nivel preprimario del distrito escolar 16-01-03 que comprende la parte norte de Cobán y parte de Chamá; se reunieron en las instalaciones de la escuela de Saxoc para tener su primera reunión de trabajo del presente ciclo escolar. El objetivo de la actividad según lo manifestó Ada de la Cruz maestra enlace del distrito ante la departamental de educación, fue organizar los círculos de calidad y conformar la Junta Directiva de cada uno de los círculos, es importante mencionar que cada círculo planificó diferentes actividades pero que todas se desarrollaran el mismo día de reunión. Así mismo se indicó que son cinco sectores que conforman del distrito siendo ellos; Sonte, Balbatzul, Secocpur, Corozal y Nimla Sachal, los mentores tendrán una reunión de trabjo mensual y visitarán diferentes comunidades, la reunión del mes de abril será en la aldea Las Pacayas.

AJ XOKOL ESIL NAKE'XKAWRES RIB' /PERIODISTAS SE CAPACITAN

Sa' xraqik li xamaan xnume'jun ch'uuteb' aj xokol esil xe'xk'ul xkawresinkil chi rix li xk'ulub' li poyanam ut li x-xokb'al chaq li junjuunq chi esilal. Li kawresink a'in xwank sa' rochochil li wakax kab'l Kob'an, xe'tz'aqonk jumay chi poyanam yalaq b'ar xalaje'chalje' chaq; xe'xjultika naq saheb' sa' li xch'ool chi xkawresinkileb' rib' xb'aanaq aajel ru sa' li k'anjel nake'xb'aanu. Un grupo de 20 periodistas procedentes de diferentes puntos de Alta Verapaz en su mayoría pertenecientes a la Asociación de Periodistas Católicos de la Verapaz participaron los días 13 y 14 de marzo en un taller sobre los temas Derechos Humanos y Acceso a la Información Pública. Carlos Hugo Leal uno de los facilitadores, manifestó que es necesario que el periodista conosca el contenido del Decreto 57-2008 Ley de Acceso a la Información Pública ya que es el soporte legal del periodista al recabar la noticia. al finalizar el taller se desarrolló una pequeña práctica de cómo obtener información en las diferentes instituciones gubernamentales y no gubernamentales.

A'K' JOLOMINEL XTIKIB' XK'ANJEL SA' LI NIMLA MOLAM CHIRREPEK

Sa' li ob' kutan xb'e li po marzo, xwank li nimla ch'utam choq' reheb' chi xjunil li poyanam wankeb' sa' li nimla molam re komon k'anjel Chirrepek, sa' li ch'utam a'in xwank xyeb'al resilal li k'anjel xb'aanumank chi ru li chihab' xnume'k jo' aj wi' chan ru naq xb'eeresimank li xtuminal li komonil, jo'kan aj wi' xk'eemank chi nawe'k li xtusulal li k'anjel re li chihab' a'in ut jo'k'ihal li tumin taa-uxmanq wi' k'anjelak. Xkomon chik li k'anjel x'uxmank a'an x-xaqab'akileb' li poyanam te'jolominq re li komonil chi ru li kahib' chihab' xchalk chi qu (2010-2014), li xk'ul li xk'anjel jo' aj jolominel a'an qawa' Alberto Bac ochb'eninb'ilaq xb'aan kahib' chik li komon. Sa' li k'anjel a'in xe'tz'aqonk naab'al li ula' re jalanq jalanq chi molam jo' re awab'ejilal jo' aj wi' eb' aj k'ayinel ut aj loq'onel. Sa' xraqik li ch'utam xwank li wa'ak ut li b'uuluk maatan, naab'al li poyanam xe'xmaatani xk'amb'al chaab'il maatan sa' li rochocheb'; li komon li xq'artesi li xk'anjel a'an qawa' Carlos Alberto Pacay. Sahil ch'oolej b'i' choq re li komonil Chirrepek.

El pasado cinco de marzo, la cooperativa Chirrepec celebró su 42ava. asamblea General Anual Ordinaria en la que participaron los trescientos veinte asociados de la organización, el tal asamblea se presentó el informe narrativo y financiero del ejercicio fiscal que comprendió del uno de enero al treinta y uno de diciembre del año dos mil nueve, así mismo se presentó el Plan Operativo y Presupuesto 2010. Otro acto importante fue la elección de Junta Directiva, cabe resaltar que la nueva Junta directiva estará presidida por el señor Alberto Bac, dicho señor con su equipo de trabajo estará al frente de la organización del 2010 al 2014.

La Asamblea finalizó con un delicioso almuerzo y sorteo de premios entre los asociados de la cooperativa.